Ég ætla mér greinilega að blogga einu sinni í mánuði eða svo....;) Það er ekki svo slæmt er það nokkuð?;) Allavega ekkert neitt merkilegt að gerast hjá mér þessa dagana nema skóli, skóli, skóli. Fékk nú að vera heima í veikindafríi með litla gaurnum og ég held að ég hafi aldrei verið eins dugleg að læra enda eru takmörk fyrir því hvað ég nenni að horfa á sömu teiknimyndina aftur og aftur. En það er samt voða sætt að fylgjast með Kristjáni hlæja alltaf á nákvæmlega sömu stöðunum í teiknimyndinni aftur og aftur:)

Ég er ekkert sérstaklega dugleg í skemmtanalífinu þessa dagana enda nóg að gera en mér tókst nú samt að fara á eitt alveg óvart djamm þar sem ég var í Singstar partýi með fjölskyldunni og þurfti smá söngvatn til að kjarka mig upp og svo endaði ég nú bara með henni Þórey minni og Krístinu Helgu og Co á einum rómaðasta skemmtistaði úthverfanna.....Players ;) Ég og Þórey vorum síðan voða góðar (gamlar;)) stelpur og fórum snemma heim ( 4 ) og lentum á svo (ó)skemmtilegum leigubílsstjóra sem talaði alla (löngu)leiðina heim og endaði á að villast ( af þvi að hann talaði svo mikið!;)) og þurfti að gefa mér afslátt vegna ruglingsins.

Jæja svona er þetta bara en hlakka til að fara í jólafrí og er farin að láta mig dreyma dagdrauma um hvernig ég ætla að skreyta litlu sætu íbúðina...já já ég á ekkert líf. Ég þarf reyndar að pæla í öllu svona jóladóti núna því að ég á ekki eftir að hafa tíma til þess á næstunni en verknám á bæklunarskurðdeild er á næsta leyti og svo eru prófin og ég ætla sko að vera búin að versla jólagjafir (helmingurinn búinn) og gera jólakort og kaupa skreytingadót...blablablabla

Jæja búin í bili þangað til næst

Hildur Jóla, jóla, jóla.....

Ætli það sé ekki í lagi að láta vita af sér hérna einstökum sinnum.....málið er að það er búið að vera svo mikið að gera bæði í skólanum og skemmtanalífinu og bara lífinu sjálfu að allt sem heitir að blogga hefur fengið að mæta afgangi...sem hefur ekki verið ef eitthvað er þá held ég að ég sé í mínus.

Ég er svo búin að ákveða það að hætta að horfa, lesa og hlusta á fréttir og lifa í litlu Hildar og Kristjáns kúlu. Þetta neikvæða tal dregur fólk niður og gerir fólk pirrað eins og maður hafi ekki nóg annað að hugsa um heldur en hvað er að gerast í heiminum í dag...anyway eitthvað sem maður getur hvort sem er ekki breytt einn og sjálfur.

Jæja nenni ekki að blogggggggggggga meira en kannski kemur eitthvað meira bráðum og þá kannski eitthvað skemmtilegt 

Kveðja Hildur

Jæja loksins gefst mér tóm til að blogga en það er búið að vera mikið að gera í skólanum eins og er alltaf þegar hann er að byrja. En það er alveg yndislegt að vera byrjuð aftur í skólanum og hitta stelpurnar aftur, svo er bara að sjá hvort maður lendir ekki í einhverjum hópum með þeim;) Við erum nú samt stundum alveg óborganlegar í fyrirlestrum en önnin er rétt byrjuð og við erum farnar að stunda hópspjall á MSN með tilheyrandi fíflalátum:>:>:>. En hvernig á maður annars að komast í gegnum erfiða önn ef maður hefur ekki MSN og FACEBOOK spyr ég nú bara;)

Ég tók þetta fræga sumarpróf sem nánast helmingur 1. Árs þurfti að taka og það heldur betur borgaði sig að læra meira og minna í allt sumar...jæja ok en ég byrjaði í byrjun júlí að læra fyrir líffæraprófið. Og það heldur betur borgaði sig og ég náði með góðum árangri. En það varð allt brjálað út af þessu prófi en það var virkilega erfitt og það er ömurlegt að hugsa til þess hvað margir náðu því ekkiL

Næst á dagskrá hjá mér er árgangsmót en ég er varla...humm...að trúa því að það séu liðin 10 ár síðan ég kláraði grunnskólann. En það verður gaman að sjá hvað ræst hefur úr okkur óþekktarormunum en við vorum víst ekki alveg til fyrirmyndar þessi árgangur;)

Svo er það bara að eiga afmæli en til að minna ykkur á þá er ég að vera 25ára!!! Ekki 25+1L ;) allavegana ekki í bili;)

Svo er reyndar virkilega skemmtilegt haust framundan en við eyjapæjurnar erum að fara í sumarbústað þriðju helgina í september en ég vil hér fyrirfram biðjast innilega afsökunar ef það verða einhver læti í sumarbústaðarhverfi nálægt Selfossi;);) hehe nei nei það verða auðvitað engin læti enda eru hér á ferðinni meðal annars mömmur og eiginkonur ahumm;)

Svo eru hún Donna búin að skipuleggja eyjarferð fyrstu helgina í október á Hippaballið. Hef reyndar aldrei farið á það en það er alltaf fyrst. Uppi erum hugmyndir um að taka ballið með stæl og mæta á ballið íklæddar hippamúnderingum :>

Jæja það var nú ekkert meira í bili

Kveðja Hildur hjúkka

 

Jæja núna er toppurinn á sumrinu lokið..þ.e. Þjóðhátíð. Mér finnst nú sumrið bara vera búið þegar að Verslunarmannahelginni er lokið. Farið að dimma og skólinn að byrja.

Það var alveg geggjaðslega mikið gaman á þjóðhátíð en hún elsku Donna mín sá mér fyrir fæði og húsnæði þessi elsku besta vinkona. En við vorum nú frekar rólegar á föstudeginum ( hummmm miðað við laugardag já! ) og eftir stanslaust stuð í dalnum var haldið heim um 6 leytið. En laugardagurinn aahumm hvar á að byrja... samt það besta af öllu var að sitja í Brekkunni með Kristjáni Ólafi og syngja " ég veit þú kemur" með Ragga Bjarna og Co það var yndislegt. Síðan var það flugeldasýningin..já man eftir henni.... ok ok man eftir öllu en á köflum er það svolítið blurry. en ég og Donna ákváðum að nú skildum við detta ærlega í það ásamt fríðu föruneyti...Ingveldi sem ætlaði ekki að koma en kom samt og ég varð svo hamingjusöm, Jenný sem skellti sér til eyja á laugardeginu og svo hún Þórey sem sem betur fer kom óvænt korter í þjóðhátíð. Og það var svo gaman...án þess að fara að skrifa einhverja ritgerð um það.  En komið var heim kl 7 um morguninn svo var ég bara búin á því og fór í Herjólf á sunnudeginum en það var vinna á mánudeginum.

Allavega núna er ég að læra undir hið mjög svo skemmtilega sumarpróf - ANATÓMÍU - sem ég fer í 18. ágúst ásamt meira en helming af bekknum mínum og svo reyni ég bara að njóta seinustu sólarglætunnar og hitabylgjunnar áður en haustið kemur askvaðandi ...vonandi í septemberlok... en annars bara í lok ágústs.

Reyndar fæ ég smá sumarfrí ...18 ágúst til 25 ágúst en þá byrjar skólinn...einhverjar hugmyndir um hvernig ég á að eyða þessu svvooooo langa sumarfríi endilega þá koma með hugmyndir. (samt ekki pína mig með því að stinga upp á utanlandsferð)

Jæja núna fer hánannartíminn á næturvaktinni minni að byrja ....

Kveðja Hildur hjúkka á næturvakt

p.s. ég gleymdi alveg...ég fór á GAY PRIDE  og það var geggjaðslega flott og Palli stendur alltaf fyrir sínu.

... að það komi Þjóðhátíð og ég er að farast úr spenningi af tveimur ástæðum. Aðal ástæðan er að ég er að fara að hitta Kristján Ólaf sem er búinn að vera í fríi hjá pabba sínum og fjölskyldu og svo er hin ástæðan að sjálfsögðu að vera að fara á þjóðhátíðina... Ég og Donna erum meira að segja búnar að fá okkur alveg eins regnjakka öfga gæjalega í stíl.  Svo eru hjúkkuvinkonur mínar að skella sér líka en þær hafa aldrei...ALDREI! farið á Þjóðhátíð...jæja þær verða sko ekki fyrir vonbrigðum.

Svo átti hann pabbi minn afmæli seinustu helgi og þá var glens og gaman og myndir teknar sem ég er búin að setja inn í myndir.

Annars er ekkert sérstakt að frétta nema kannski að ég og hjúkkuvinkona mín, María,  fengum að pína hvor aðra en við fengum að setja upp æðalegg á hvor annarri í vinnunni gekk nú ekki betur en það að mér næstum blæddi út og ég stakk María tvisvar því ég var ekkert að finna æð en þetta hafðist hjá okkur á endanum enda erum við fyrirtaks hjúkrunarfræðinemar.
 Svo fékk ég besta hrós sem ég hef fengið. Einn hjúkrunarfræðingurinn á deildinni hrósaði mér fyrir vel unnið starf og sagði að ég væri mjög klár og að ég væri mjög efnilegur hjúkrunarfræðingur. Þetta fannst mér algjört æði að heyra enda er þetta algjört draumastarf að verða hjúkrunarfræðingur.

Jæja svei mér þá ef ég er ekki bara farin að telja mínúturnar..... hlakka svo til

Kveðja Hjúkku Hildur

Jæja kominn tími á smá blogg. Týpískt ég að blogga þegar það er rigning enda er ég  búin að vera að vinna í brúnkunni minni úti á svölum. Man nú reyndar ekki um hvað ég bloggaði seinast þannig að ég biðst afsökunar ef ég endurtek eitthvað í þessu bloggi.

Ég er nú bara búin að vera að vinna í sumar en það er nú eitthvað spennandi búið að vera að gerast enda er sumar og þá gerast hlutirnir. Fór í útskrift til Hlínar vinkonu, fór í fyrstu útileguna með pabba og Krístjáni en hún entist nú ekki lengi bara eina nótt því að þetta var eina helgin sem veðurguðirnir ákváðu að blása svolítið á okkur Svo var Það náttúrulega SUPRISE útskriftarmatarboðið hennar Ingveldar sem var geggjaðslega skemmtilegt. Svo var náttla ákveðið hvenær næsti hittingur verður eins og er alltaf gert.

Síðan eru það Goslokin í Eyjum. Hvað er hægt að segja annað en að öll helgin var frábær í alla staði. Ég og Kristján og  Hlín fórum saman með Herjólfi á föstudegi og gistingin mín var heima hjá Donnu minni. Á laugardagskvöldinu byrjuðum við heima hjá Donnu að fá okkur pínu...smá...ok mikið í tánna og svo kíktum við í partí hjá spúsunni hans Gunnars Márs og hittum marga gamla félaga eins og Sigga Björn, Bogga og Haffa. Svo var stefnan tekin á Skvísusund og var það náttla geggjað mikið stuð. Ótrúlegt hvað við Donna og Jenný tökum uppá þegar við erum saman. Það var náttla hellingur af fólki og ég hitti marga sem ég hef ekki hitt lengi.... og svo einhverra hluta vegna þá hitti ég ekkert á Hlín, Evu og Þórey.

Svo í gær fór ég á myndina MAMMA MIA í bíói með Hörpu og Sædísi. Ég mæli sko með henni hún er frábær. Við vorum í svo miklu stuði eftir hana að við fórum og fengum bílinn hans pabba lánaðan (cd spilari og sjálfsskiptur;)) , ég tók símana af stelpunum setti á silent og henti þeim í skottið á hörpu bíl og svo var brunað á alvöru stelpurúnt, átti að vera ísrúntur en það var svo gaman að við gleymdum að fá okkur ís,  með páli óskari og að sjálfsögðu keyptum við MAMMA MIA diskinn í bíóinu.  Það var svo gaman og svo mikið sungið að ég er hálfraddlaus eftir á híhí

Svo var ég næstum búin að gleyma. Það var kvartað við mig um að það vantaði myndir af skvísunni   þannig að ég er búin að setja nokkrar vel valdar myndir.  .

Jæja best að fara að hafa sig til fyrir vinnuna..þangað til einhverntímann næst...

Hildur

Jæja það er greinilega alltaf hægt að bæta sig í einhverju...sko ég er að blogga núna og það er ekki mánuður síðan ég bloggaði seinast. Allavegana þá er ég að fara í tvær útskriftarveislur um helgina, ein í Seljakirkju og ein í Hafnarfirði hjá henni Hlín minni . Þannig að dýri kjóllinn minn kemur að góðum notum þannig að ég þarf ekki að vera með samviskubit yfir því hvað hann kostaði mikið.
Svo var ég að panta í Herjólf til að ég komast nú til eyja á Þjóðhátíðina en viti menn það er nú voða erfitt að fá far með þeim ferðum sem voru á óskalistanum.... þannig að ég kem til eyja aðfaranótt föstudagsins og fer heim á sunnudeginum!!! kl 13:00!!! ennnn er búin að sætta mig við það að ég og Kristján Ólafur missum af því að syngja " Ég veit þú kemur" í Brekkusöngnum og við sem erum búin að vera að æfa okkur. En á móti kemur að ég þarf að vinna á mánudeginum og að sjálfsögðu þarf ég að vera úthvíld fyrir það.
En alltaf nóg að gera er að fara í bíó í kvöld með systrunum og svo skellum við okkur á tónleikana með James Blunt.
En núna ætlum við Stefán bró að fara í smá hjólatúr um Ægissíðuna og ætlum að enda á ströndinni.

Þangað til næst   Hildur Hjúkka

Hæ hæ já ég veit...ég er ekki sérlega dugleg að blogga en það kemur smám saman . Allavega.... ég var í eyjum um helgina í fyrsta skiptið í 2 ár eða síðan ég flutti frá eyjum og ég verð að segja að það var bara gaman og yndislegt að koma þangað aftur enda dýrka ég Vestmannaeyjar. Og ekki nóg með það þá er ég búin að láta plata mig á Goslokahátíðina og Þjóðhátíðina. Mjög spennó.....sem minnir mig á það að ég þarf líklegast að fara að panta mér í herjólf...... Ennnnn jæja núna eru prófin búin og sumarið er komið og ég er búin að fá einkunnir úr 4 fögum og er bara mjög ánægð með árangurinn. Svo er það nýja frábæra atvinnan mín sem hjúkrunarnemi á hjartadeild Landspítalans en það er yndislegt að vakna á morgnana og hlakka til að fara í vinnuna því þetta er jú það sem ég vil vinna við og þvílík reynsla sem ég fæ í reynslubankann minn.

jæja er þetta ekki bara nóg í bili  - reyni að vera duglegri við þetta

Hildur Hjúkka

Ég get sagt ykkur það að það er ekki sniðugt að byrja að BLOGGA rétt fyrir próf....neihheii en hvað gerði mín. Fékk sér Blogg og Facebook. Jæja ekkert svo merkilegt hefur drifið mína daga. Fór til Sauðárkrókar í upplestrarfrí. Gat eytt mörgum klukkutímum í að lesa fyrir Lífeðlisfræði próf á meðan Rúsínan mín var í pössun hjá mömmu. Já þetta lífeðlisfræðipróf.....hummm.... ég var til klukkan 1 í nótt að læra eða þangað til að augun mín gáfust upp og fóru í verkfall í miðri Vefjafræði. En ég held að það hafi ekki komið að sök því að mér gekk nú bara svona ágætlega...maður vill ekki vera OF bjartsýnn og segja að maður hafi gengið ógisslega vel. (var held ég einhvers staðar þarna á milli). en þá eru 4 próf eftir og svo er Próflokadjamm með mínum Hjúkkum og svo er djamm með mínu Vínkonum og svo er að byrja að vinna.
Jæja best að eyða ekki of miklum tíma í þetta og hætta áður en ég fæ samviskubit yfir því að vera að hundsa Fósturfræðina (bækurnar eru hérna við hliðina á tölvunni og ég þykist ekki sjá þær). Þangað til einvherntímann næst...

Hildur

Ég á að vera að læra núna...ég á að vera dugleg og lesa um aðhlynningu og sýkingavarnir...en nei ég er að vesenast og væflast (segir maður væflast???) inn á netinu og er búin að vera að því seinustu 10 mínúturnar. Og ég er búin að fara 3 svar sinnum inn á Facebook....ég var vöruð við því að ég gæti orðið háð Andlitsbókinni en nei ég var sko alveg viss um að ég hefði það sem þurfti til að standast það að vera ekki alltaf að kíkja...Uuuhummm FALLIN.